طريقة تحضير كريب لذيذ وساهل

جبت ليكم هاد الكريب مداق ديالو غزال متشبعوش منو ممكن تكلوه
بدون اي تزين اما الى زينتوه بشي حاجة خلاص كيجي هائل
حينت هوا اصلا منسم بحديتو نتمنا يعجبك نخليكم مع المقدير

بسم الله

150غ دقيق
4بيضات
2ملاعق ك نشا
2ملاعق ك سنيدة
3ملاعق زيت
كاس صغير حليب
كاس صغير معامرش ماء
ملعقة ك ماء زهر

طريقة

كنخلطو المواد الجافة كاملة دقيق +نشا +سنيدة مزيان

من بعد كنزيدو البيض او نخلط حتا يولي الخليط بحال ديال الكيك

منوقفوش نبقاو كنخلطو او نضيفو الحليب بشو بشوي + الماء نفس طريقة +ماء زهر
منين كنسليو كنغطوها اونخلوها ترتاح مدت ساعة او اكتر

من بعد مرتاحت كنبداو نطيبو فيهم حتا نسليوهم
نبداو في تزينهم طريق رها موضحة

اوهدا شكلها النهائي نتمنا يكون موضح

دبا ندوزو لي صلصة كلا واحد اوكيف كيعجبو
ولكين انا كيعجبني بهاد طريقة
كتشدي لكريم فريش +شكلاط دوبيهم في حمام مائي اوتخلطيهم

مزيان اوتزيني بيهم الكريب كيجيو  غزالين نتمنا يعجبوكم راهم كيجو بنان بزاف جربوه وردو عليا