مجلة المرأة المغربية: بسيطلات بكفتة الدجاج وقنينطات بكروفيت وقطع السمك روعة

بسيطلات بكفتة الدجاج وقنينطات بكروفيت وقطع السمك روعة

مطبخ

السلام عليكم اليوم غادي نقدم ليكم زوج وصفات ساهلين و لذاذ بسيطلات بكفتة الدجاج

والخضر و قنينطات بنفس الخضر ولكروفيت وقطع السمك

بسيطلات بكفتة الدجاج وقنينطات بكروفيت وقطع السمك روعة

كفتة الدجاج الموجود انا عملت 300 غرام + 1 قرعة خضرا محكوكة +

1 جزرة محكوكة + 1 بصلة مشلضة + 1 فلفلة حمرا مكعبات

صغيرة + 3 فروماج لفاش كيري أو اي فروماج اخر + 2 م ك قزبور

سكنجبير + كمون + ملح + زعتر + ابزار

كروفيت وقطع سمك ابيض +

نفس المقادير كنضيفوهم للكروفيت الا الفروماج

وكنضيفو ورقة رند و غدين نشوفو الطريقة

كنحمر البصلة ونضيف الفلفل يدبالو شوية ونضيف القرع والجزر

نغطيهم ونخليهم يطلقو الما ديالهم ويبداو يطيبو

ونضيف العطرية والملح ونحيد نصف الخليط نحتفض بيه على جنب

نضيف الكفتة نفرتتها مزيان ونخليها تطيب

نعملها فكسكاس صغير ونخليها تبرد وتقطر

نجيو دابا للكروفيت والحوت نشحرهم فملعقة د الزيت ك نغطيهم باش

يطيبو ومكيخدوش وقت فالطياب كنضيف ليهم مليحة ووريقة د الرند

نضيف عليهم الخضيرة لي حيدنا من الخليط الاول ونخليوهم يبردو ويقطرو حتى هما

لويت بالطريقة العادية قنينطات عمرتهم بالحشوة ديال الكروفيت

وبسيطلات بكفتة الدجاج

كنتمنى ينالو اعجابكم وبالصحة والراحة

و نتمنى يعجبكم و بالصحة و الراحة ♥