حلويات عيد الأضحى: بلاطو مشكل من حلويات اللوز لكايحمرو الوجه

العجين :

500غ دقيق ممتاز

-125غ زبدة لينة

-ملعقة كبيرةزيت

-اصفر بيضة

-ملعقة كبيرة سكر كلاصي

-قبصة الملح

- ماء الزهر للعجن

الحشوة :

1 كيلو لوز مقشر وناشف جيدا ومطحون

-500غ سكر سنيدة

- نصف ملعقة صغيرة مسكة حرة مدقوقة

-ملعقة كبيرة عامرة زبدة لينة

-ملعقة كبيرة مربى المشمش

- نصف كأس ماء الزهر

طريقة العجين : 

الدقيق والملح+ السكر+الزبدة والزيت نخلطوهم مزيان+ اصفرالبيض ونخلط ثم نضيف ماء الزهر شوية بشوية حتى تجمع (عجين متماسك) وندلكوه جيدا ونضعه بالبلاستيك 1h

طريقة الحشوة :

 اللوز مطحون لوحده جيدا+السنيدة ونطحنوهم مرة أخرى جيدا +المسكة+الزبدة +المربى+ماء الزهر شوية بشوية حتى يمكن لينا نحربلوه (خاص الحشوة ماتكونش جارية)يرتاح
بعد ما ارتاحت كل من العجين والحشوة ساعة نسرحو العجين رقيق جيدا ونشكلو الحلوة

الشكل 1 :

كعب الغزال حربلت الحشوة حريبلات وضعتها فوق العجين الي ورقت وتنيت العجين على الحربول حتى تغطى وضغطت على الجوانب و حربلت على شكل كعب وقطعت بالجرارة

الشكل2 : 

قطعت دوائر ديال العجين حطيت وسطها كويرة الحشوة وغطيتها وزولت فائض العجين ودورتها ف اليد حتى شكلت كرة حطيتها بسطتها ونقشتها من الجوانب وملي طابت زينتها .

الشكل3 : 

قطعتها بقطاعة الياسمينة عملت كرة ديال الحشوة ف الوسط وجبت القنات إلى الوسط ورشقت فوقهم لوزة وضغطت بالاصبعين على الاضلاع

الشكل 4:

قطعت العجين شريط وضعت عليه حربول د الحشوة رقيق وتنيت عليه العجين و سديت بابيض البيض وزدت 

حربلت حثى ولا رقيق وقطعتو طريفات غطستهم من الجوانب في ابيض البيض ثم في الجنجلان

الشكل 5: 

قطعت العجين إلى شريط وضعت حربول ديال الحشوة وتنيت عليه العجين وسديت بابيض البيض وبسط شوية ثم قطعت على شكل معينات ملي طابو زينتهم بوريدات
بعد تشكيل الحلوى تترك ليلة كاملة وفي الغد ندهنوهم بالزبدة ونتقبوهم بالابرة وندخلوهم 10 دقايق إلى الفرن عافية مهيلة ثم نخرجوهم وندهنوهم بابيض البيض مخلط مه شوية الزهر وملعقة زيت ونعيدهم إلى الفرن يتحمرو من الفوق 5 دقايق.

عيد الأضحى 2015

عيد الأضحى 2014

تاريخ عيد الأضحى 2012

تهنئة عيد الأضحى المبارك

مسجات عيد الأضحى 2012

رسائل عيد الأضحى

بطاقات تهنئة عيد الأضحى المبارك

رمزيات عيد الأضحى