الندبة اللي كانت معقداني مشات . تجربتي لازالة السيكاتريس. دخلو تجربوها معجزة

السلام البنات . كانت عندي خبشة عقداتني . كلشي قالي راها مغديش تمشي حتى ندير التجميل. المهم مشيت عند بزاف دالاطبة وحتى واحد مانفعني. جربت بوماد ميدرما مادارتلي والو المهم غدي نقولكم شنو جابلي نتيجة. هي بومادا contractubex رائهة وجهي ولا صافي الحمد لله . والندبة غادية وكتختفي. الناس مبقاتش تبانلهم وانا كنقرب المراية ونبقى ندقق عاد باش كتبانلي. ماداومتش عليها وكانديرها هي مرة مرة ولكن نتائجها مبهرة اوا شي كتحسي بحال وجهك كيتحرق وحتى الندبة ولاتلي حمرة بحال محرةقة وهدي هي الافلجة راه بحالي كديري لازير فالدار .كتحرق طبقات الجلد السطحية وكتجدد الخلايا. انا خفت فالاول ولكن قريت عليها وصبرت . المرلت الاولى كانت كتشعلي العفية فوجهي ومكنقدرش نعس. هي مصنوعة من البصلة. و غير موجودة بالمغرب . جابوهالي من المانيا . ونضيف راه استعملت حتى واحد الزيت ديال السيكاتريس والحراق. محموعة زيةت اساسية فعالة جدا . وكنت فاش كنبغي نريح البشرة ديالي كندهنها فالليل بزيا الالويفيرا ولا كنجيب الالويفيرا طرية وكندهنها لوجهي. وكل اسبوع كندير قناع الطين violet argile بحيت بشرتي حساسة جدا ةمنقدرش ندير الطين الاخضر المهم هدي تجربتي بغيت نشاركها معاكم. دعيو معايا. اي سؤال انا موجودة اه ونسيت راه كنت كندير بومادا اخرى زوينة بزاف سميتها epithelial AH men Aderma حتى هي كتصحح الطبقات الخارجية دالجلد وهدي دابا 8 شهور والحمد لله مابقاتش باينة بلا فون دوتان با والو. وحتى الطبايع والكحولية اللي كانا فوجهي مشات الحمد لله متنساوش تدعيو معايا