للي شعرها باهت و مشوك، و فيه الشيب، و اللي ملَّاتْ من لون شعرها و باغيا تبدلو طبيعيا
السلام عليكم
هادي فائدة عظيمة بالنسبة للشعر، وصفة كلها فوائد، كانتمنى الموضوع مايكونش مكرر
بدون اطالة: مقدار من الفوة مطحونة و كانغليوها فمقدار من الماء و كاناخدو من بعد الغليان هاد الما و كانضيفو ليه الحنا (او ازاز بالنسبة للناس للي ماكاتوافقهمش الحناء) و قليل من الزيت (الدي تفضلين) و انخليو هاداك الخليط في مكان دافى و كانغطيوه ونخليوه ليلة كاملة، و من بعد كانديرو الخلطة ف حمام مريم و كاندير لشعرنا و نخليوه من 30 دقيقة حتى ل 90 دقيقة ( المدة على حسب اللون للي بغيتي) لكن حداري الا درتي الحنة ماتخليهاش بزاف ، حيت غادي يولي اللون احمر .
مع تكرار الوصفة اللون يصبح بني غامق مائل الى اللون العنابي
هاد الوصفة كاترطب الشعر و كاتطولو و كاتصبغو مع اعطاء لمعة جميلة
راه كلكم كاتعارفو فوائد الفوة، راه كانشربوها و كانديروها فالبطبوط حيت هي جد مفيدة للاشخاص للي فيهم الانيميا
كانتمنى الموضوع يعجبكم
و اللي عجباتها الوصفة تدعي معايا بضهر الغيب ولكُنَّ بالمثل
