هديتي لكل المقبلات على الزواج خلطة لتعطير الجسم تخلي فيك رائحة تهبل

السلام عليكن يا اخوات.
إلكين خلطة لتعطير الجسم بشكل دائم للمتزوجات

المكونات :
_اشتري هده الكريمة Marie laurent,lait corporel à l’huile d’amande
_ريحة السنبل صغيورة(هي تقريبا قد صبعك صغير)كوبيها في لكريمة كلها.
_ريحة صغيورة تاع الف وردة كاينة تاع 5دراهم او كين تاع 15 درهم.ديري غير شوي منهم بجوجات
(انا كنشريهم اما من عند العطار او من عند الي كيبيع منتجات ماء ورد لقلعة مكونة)
_ريحة تاهي صغيورة كتدير 8دراهم(ماقيتهاش بلا مديريها)
_المسك الحر.
ثم غدي تضيفي رشات من العطور الي عندك.
(انا عنديparfun Evidence5 et 4So Elixir de yves rocher3channel coco.2Amor Amor de cacharel .1Parfun d’or
ثم اضفت واحد العطر سوري اشتريته من المعرض .

الطريقة :
كتاخذي كريمة Marie laurent,lait corporel à l’huile d’amande كتكبيه في اناء او كتضيفي عليه باقي المكونات الذكورة اعلاه.
ثم كنرش 2رشات حتى 3 من كل ريحة في الكريمة و نحرك كلشي مزيان حتى يتجانس او يدوب المسك.
ثم رجعي الخليط الى القرعة ديالو .كتهزي شوي بشوي بالملعقة او تديريه في القرعة.

خلي القرعة مسدودة 8ايام.
مر مر حركيها بلا متحليها.
النهار التاسع فتحي لغلاقة ديال القرعة او خدي منها قد حمصة من الكريمة او دهني بها عنقك .
او تعالي تشوفي الريحة كغتكون واعرة.
غدي تبقاي نهار كلو اونت تشمي فيك ريحة زوينة.او راجلك مشا فيها غدي يبقا بلا خدمة تابعك(ههههه سالو المجرب)