شهيوات رمضان : تحضير مملحات بالصور

موضوع الأخت محبوبة

هادو مملحات وجدتهم لفطور عجينة واحدة درت بها 3اشكال نتمنى يعجبوكم
بالنسبة للعجين 4 كيسان كبار ديال موندا فورص نصف كاس زيت بيضة 4معاكق كبار حليب بودرة ملح خميرة مطلوقة في شوية ماء دافئ مع سكر كنعجنونها مزيان ونخليوها تخمر

دبانوجدو حشوة لشكل اول بصلة فلفلة حمرا مشحرين تم نزيدو شومبنيو دجاج انا كان عندي طايب معدنوس ملح ابزار تحميرة تم جبن محكوك باش نجمعو حشوة

اما شكل تاني غادي نقليو صوصيص نشفوه من الزيت وندهنوه بشوية موطارد ونرش عليه اعشاب منسمة ونقطعو عجينة على شكل شرائط ونلويهم على صوصيص

ندهنوهم باصفر البيض مطرب مع شوية زيت شكل اول نرشو عليهم شوية اللوز ايفلي اختياري شكل تاني شوية جنجلان ونطيبوهم في فرن

عجينة لشاطت درتهم كويرات صغار وسرحتهم ولويتهم بحال باغيط دهنتهم بالبيض وشرتهم بالمقص وطيبتهم نسيت مصورت الطريق